Bir çox saytlar, teleqram kanalları deputat Qənirə Paşayevanın vəfat etməsi barədə xəbərlər yayırlar.
Faktyoxla Lab. bu məlumatın doğru olub-olmadığını dəqiqləşdirib.
Qənirə Paşayevanın qardaşı Hüseyn Paşayev APA-ya açıqlamasında bildirib ki, Qənirə Paşayevanın müalicəsi davam edir.
"Bu barədə bu gün müalicə aldığı xəstəxana da açıqlama yayıb", - deyə o qeyd edib.
Xatırladaq ki, dərmandan komaya düşdüyü bildirilən deputat Qənirə Paşayevanın müalicəsi reanimasiya şöbəsində süni tənəffüs aparatına bağlı şəkildə davam etdirilir.
Bunu Mərkəzi Klinikanın baş həkimi Kamran Musayev APA-ya verdiyi açıqlamada bildirib.
“Qənirə xanımın reanimasiya şöbəsində süni tənəffüs aparatına bağlı müalicəsi davam edir” - həkim əlavə edib.
Q.Paşayevaya naməlum mənşəli hipotonik vəziyyət diaqnozu qoyulub. Lent.az xəbər verir ki, bunu qurumun İctimaiyyətlə əlaqələr və marketinq departamentinin rəhbəri Zamirə Ədilova deyib.
Nəticə: Deputat Qənirə Paşayevanın vəfatı ilə bağlı xəbərlər yalandır, hazırda müalicəsi ciddi həkim nəzarəti altında davam edir.
